Academi Arweinyddiaeth Cenedlaethau’r Dyfodol

Yn dilyn rhaglen beilot lwyddiannus yn 2019 a 2021, mae Comisiynydd Cenedlaethau’r Dyfodol bellach wedi lansio trydedd garfan ein Hacademi Arweinyddiaeth Cenedlaethau’r Dyfodol. Lansiwyd y rhaglen ym mis Medi 2023 a bydd yn dod i ben ym mis Mawrth 2024. 

Rydym wedi recriwtio grŵp amrywiol o 34 o gyfranogwyr. Cafodd hanner y cyfranogwyr eu dewis gan eu cyflogwyr, sef noddwyr yr academi. Cafodd gweddill y cyfranogwyr eu dewis drwy ein proses recriwtio agored ledled Cymru.   

Mae’r Academi ar gyfer pobl ifanc 18-30 oed ac mae’r rhaglen yn cyfuno sesiynau rhithiol ac wyneb yn wyneb, tua 60-70 awr i gyd. Mae’r cyfranogwyr yn ymarfer ac yn gwella eu sgiliau arwain, yr ydym yn eu galw’n ‘Archbwerau’ yn y rhaglen. Maent hefyd yn dysgu arfer da o ran gweithredu Deddf Llesiant Cenedlaethau’r Dyfodol a’i saith nod llesiant, yn ogystal â’r pum ffordd o weithio sydd eu hangen er mwyn cyflawni’r nodau.  

Unwaith bydd y cyfranogwyr yn graddio o’r Academi, fe’u gwahoddir i ymuno â’n Rhwydwaith Cyn-fyfyrwyr, lle mae tîm Comisiynydd Cenedlaethau’r Dyfodol yn parhau i hwyluso cyfleoedd datblygu arweinyddiaeth a lle gall aelodau cyn-fyfyrwyr gyfrannu yng Nghymru ac ar draws y ffiniau, gan rannu eu gwybodaeth, eu profiad a’u gweledigaeth. Mae’r Cyn-fyfyrwyr yn parhau i gefnogi ei gilydd drwy rannu arferion da o ran gweithredu nodau llesiant Cymru, a chymhwyso eu gwybodaeth a’u sgiliau yn eu sefydliadau a’u grŵp cymunedol.  

Os oes gennych ddiddordeb mewn gweithio gyda ni, cysylltwch â korina.tsioni@futuregenerations.wales

Mae Academi Arweinyddiaeth Cenedlaethau’r Dyfodol y swyddfa yn grŵp o bobl ifanc 18–30 oed sy’n rhoi’r Ddeddf ar waith yng nghymdeithas Cymru drwy greu cynlluniau cenedlaethau’r dyfodol ar gyfer eu gweithleoedd, mentora arweinwyr Cymru a llywio gwaith y comisiynydd ei hun.

Cronfa hygyrchedd hyblyg – ar gael i gyfranogwyr a allai brofi rhwystrau ariannol neu rwystrau eraill sy’n effeithio ar eu cyfranogiad mewn digwyddiadau rhithiol neu bersonol. Er enghraifft – os ydych yn ofalwr, neu’n berson anabl, byddwn yn diwallu unrhyw un o’r anghenion a allai fod gennych er mwyn gwneud cais llwyddiannus a chymryd rhan yn yr academi.  

Yn Academi Arweinyddiaeth Cenedlaethau’r Dyfodol, rydym yn darparu cyfleoedd i bobl ifanc ddysgu a gwella eu sgiliau arwain. Mae’r rhaglen uchelgeisiol ac arloesol hon yn dod â phartneriaid o sectorau cyhoeddus, preifat a gwirfoddol Cymru at ei gilydd, gan gydweithio i hyfforddi unigolion ifanc o bob cwr o Gymru i ddatblygu arweinyddiaeth a Llesiant Cenedlaethau’r Dyfodol. 

Mae ein dull hybrid yn cynnwys tair sesiwn breswyl, ledled Cymru a hyfforddiant ar-lein dros Teams. Ar gyfer y sesiynau preswyl, rydym yn talu am yr holl gostau llety, cymudo ac arlwyo. Mae gennym hefyd sesiynau rhyngweithiol ar-lein bob pythefnos i gadw’r momentwm i fynd. 

Pam ddylwn i ymuno?

• Datgloi a chryfhau eich sgiliau arweinyddiaeth.
• Cyflawni nodau personol a phroffesiynol.
• Dysgu popeth am Ddeddf Llesiant Cenedlaethau’r Dyfodol, sydd wedi tyfu’n gonglfaen llunio polisi yng Nghymru.
• Rhwydweithio a chreu cysylltiadau ậ phobl ledled Cymru.
• Bod yn rhan o’n rhwydwaith Alumni ymgysylltiedig, sy’n darparu cyfleoedd parhaus i raddedigion yr Academi.
• Adeiladu mudiad creu newidiadau ar gyfer y Ddeddf ledled Cymru yn ein cymuned neu’n sefydliad.

Ar hyn o bryd mae dwy ffordd o gyfranogi yn yr Academi.

1. Nawdd
2. Recriwtio Agored

Recriwtio Agored

Mae hwn yn llwybr rhad ac am ddim i wneud cais, i unrhyw un sy’n barod i ddysgu, ac arfogi eu hunain ar eu taith arweinyddiaeth.

Bydd angen i bob un o’n hymgeiswyr cyflogedig, llawn-amser neu ran-amser gadarnhau:

• Eu bod ar gael i gymryd rhan yn y rhaglen
• Bod eu rheolydd llinell neu eu sefydliad yn cymeradwyo’u cyfranogiad yn yr Academi

Rhaid i chi gadarnhau bod eich rheolydd llinell yn cymeradwyo’ch cyfranogiad gan y byddwn yn gofyn i’ch rheolydd llinell neu gynrychiolydd yn eich sefydliad i’ch helpu i nodi maes ffocws ar gyfer y cynllun newid y byddwch yn ei ddatblygu yn ystod yr Academi.

Byddwn hefyd yn gofyn i’ch rheolydd llinell gwblhau arolwg byr iawn ar eich datblygiad arweinyddiaeth ar ddechrau a diwedd y rhaglen.

Nodwch os gwelwch yn dda bod gennym gronfa hygyrchedd i helpu unrhyw un gyda dyletswyddau gofal neu rai sy’n wynebu problemau ariannol sy’n eu rhwystro rhag cymryd rhan yn y rhaglen, felly da chi, gwnewch gais, ac os y cyrhaeddwch y rhestr fer, byddwn yn trafod unrhyw faterion hygyrchedd gyda chi.

Rydym hefyd yn gweithredu Cynllun Gwarantu Cyfweliad i bobl o gefndiroedd Du, Asiaidd Lleiafrifoedd Ethnig a phobl anabl sy’n ymateb i bob un o’r cwestiynau yn y ffurflen gais.

Am ragor o wybodaeth os gwelwch yn dda cysylltwch ậ:

Korina Tsioni – Arweinydd Rhaglen

Korina.tsioni@futuregenerations.wales

Amserlen y rhaglen flynyddol

Recriwtio Cyfranogwyr – Mai hyd Gorffennaf

Lansio sesiwn Breswyl dau ddiwrnod wyneb yn wyneb – Medi

Sesiynau dwy awr arlein bob yn ail wythnos – Hydref hyd Tachwedd

Sesiwn breswyl dau ddiwrnod wyneb yn wyneb yn y gaeaf – Rhagfyr

Sesiynau dwy awr arlein bob yn ail wythnos – Ionawr hyd Mawrth

Modiwl cynllun newid – Ionawr hyd Mawrth

Dathliad graddio – Mawrth

Ymuno ậ’r rhwydwaith Alumni – diwedd Mawrth

Manylion Rhaglen

Lefel profiad: Cychwyn/Dechrau gyrfa.

70 awr o hyfforddiant hybrid

Darperir yn ddwyieithog

Rhediad yr Academi – Medi hyd Mawrth

Rhwydwaith Alumni Actif, gyda chyfleoedd ardderchog i chi weithredu eich gwybodaeth a thyfu eich rhwydweithiau a’ch set sgiliau.

Mae yna ffi hyfforddi i’r cyfranogwyr.

Mae yna leoedd rhad ac am ddim ar gael drwy’r llwybr recriwtio agored – Mae Ceisiadau yn agored yn awr ar gyfer 20^fed Mai hyd 16^eg Mehefin.

Beth fedrwch chi ei ddisgwyl?

Mae Rhaglen Arweinyddiaeth Cenedlaethau’r Dyfodol yn cynnwys cwricwlwm sy’n seiliedig ar y saith nod llesiant a’r pum dull o weithio a nodir yn Neddf Llesiant Cenedlaethau’r Dyfodol.

Mae’r rhaglen yn cynnwys 70 awr o hyfforddiant hybrid, yn cynnwys 3 digwyddiad rhwydweithio wyneb yn wyneb a 50% o ddysgu arlein. Bydd digwyddiadau wyneb yn wyneb yn cael eu cynnal ledled Cymru a bydd eich costau teithio, llety a bwyd yn cael eu talu.

Tîm yr Academi yn swyddfa Comisiynydd Cenedlaethau’r Dyfodol sy’n dylunio a darparu’r rhaglen, gyda chymorth partneriaid allanol. Caiff ein cyfranogwyr (rhyw 35 o bobl rhwng 18-30 mlwydd oed) eu recriwtio drwy nawdd sefydliadol a chytundebau partneriaeth a hefyd drwy broses ddethol agored.

Mae cymorth 1-1 ar gael i bob cyfranogydd drwy gydol yr academi os bydd arnoch ei angen.

Nodweddion y Cwrs:

• Darperir y cwrs gan amrywiaeth o siaradwyr/arbenigwyr o’r tri sector
• Bydd cymorth bugeiliol ar gael drwy gydol ac yn dilyn yr Academi
• Ar ôl graddio gallwch ymuno ậ chymuned Alumni lwyddiannus sy’n

Cynyddu’n feunyddiol

• Nodwedd Mentora o Chwith

Nodweddion Defnyddiol

Mae cronfa hygyrchedd hyblyg ar gael i gyfranogwyr a allai fod yn profi rhwystrau ariannol neu rwystrau eraill sy’n effeithio ar eu cyfranogiad mewn digwyddiadau rhithwir neu wyneb yn wyneb. Er enghraifft – os yr ydych yn ofalydd, neu yn berson anabl byddwn yn sicrhau unrhyw anghenion a allai fod gennych er mwyn gwneud cais llwyddiannus a chymryd rhan yn yr academi.

Talu am gostau – Mae ein hymagwedd hybrid yn cynnwys 3 sesiwn breswyl ledled Cymru. Yn ystod y sesiynau hyn rydym yn talu holl gostau llety, cymudo ac arlwyo.

Dewch i gyfarfod ậ’r Tîm