Cymru gydnerth
“Cenedl sy’n cynnal ac yn gwella amgylchedd naturiol bioamrywiol gydag ecosystemau iach gweithredol sy’n cynnal cydnerthedd cymdeithasol, economaidd ac ecolegol ynghyd â’r gallu i addasu i newid.”
Dadansoddiad cyfredol y Comisiynydd yw nad yw’r amcanion llesiant a’r camau sy’n berthnasol i’r ‘amgylchedd’ a osodwyd gan lawer o gyrff cyhoeddus bob amser yn adlewyrchu gwir ddiffiniad y nod Cymru Gydnerth, sy’n ffocysu ar gynnal a gwella amgylchedd bioamrywiol naturiol gydag ecosystemau iach ac ymarferol.
Yn gyffredinol, maent yn ffocysu ar feysydd megis ailgylchu, llifogydd, glendid, tipio anghyfreithlon a lleihau allyriadau. Tra bo’r rhain yn feysydd pwysig, mae’n dangos diffyg yn y cynnydd tuag at helpu i gyflawni adferiad natur ac ecosystemau iach, cydnerth.
Yn fwy cadarnhaol, mae’n galonogol i weld y ffocws a’r sylw ar yr amgylchedd naturiol oddi wrth Fyrddau Gwasanaethau Cyhoeddus yn eu hardaloedd. Hefyd, mae rhai byrddau iechyd a chyrff cyhoeddus yng Nghymru yn gwneud cysylltiadau cynyddol rhwng amgylchedd naturiol iach a gwell iechyd a lleisant.
We never share your information.
